part 1:
ಹಗಲಿಡೀ ದುಡಿದು ದಣಿವ ಜಗಕೆ
ಇರುಳಲೇಕೀ ನೀರವತೆ?
ಇಮ್ಮಡಿಗೊಳ್ಳುವುದು ಎನ್ನಲಿ
ಒಂಟಿತನದ ತೀವ್ರತೆ
ಇಷ್ಟು ಪಡೆವುದಕೆ
ಕಳೆದುಕೊಂಡಿದ್ದೆಷ್ಟೋ
ಎಂಬ ಭಾವುಕತೆ
part 2:
ಆಗಸದುದ್ದಗಲಕ್ಕೂ ಹರಡಿಕೊಂಡ ಒಂಟಿತನದ ಛಾಯೆ
ನಾನದೇ ಆಗಸದಲಿ ಗಿರಗಿಟ್ಲೆ ಹೊಡೆವ ಒಂಟಿಹದ್ದು!
ಪಡೆದಷ್ಟೂ ಬೇಕೆನಿಸುವ ಬಕಾಸುರನುತ್ಸಾಹ
ಕೊಂಡರೂ ಕೊಡದೆನುವ ಚಿಂತೆಗಳಾಗರ
ಎಲ್ಲವನೂ ಪಡೆದ ಎನಗೇನು ಕಮ್ಮಿ?
ವೇದಾಂತಕ್ಕೇನೂ ಕಡಿಮೆಯಿಲ್ಲ
ದಿನವೂ ಬದನೆಕಾಯಿ ಹುಳಿ!