ಮಾತೇ ಮುತ್ತು....ಮೌನ ಬಂಗಾರ

ಮಾತಿಗಿಲ್ಲಿ ಬಡತನವಿಲ್ಲ ಕೇಳುವ ಕಿವಿಗಳೆರಡಿದ್ದರಾಯ್ತು ಮಾತನಾಡುವವರಿಗೇಕೆ ಚೌಕಾಸಿ ಕಾಸಿಗೊಬ್ಬ ಕೊಸರಿಗೊಬ್ಬ! ಸರಳ-ನೇರ,ಕಟುಸತ್ಯ,ಮಧುರ ಲೋಕಾರೂಢಿ,ದೇಶಾವರಿ ಆಶ್ವಾಸನೆ,(ಬಿಟ್ಟಿ) ಉಪದೇಶ ಹತ್ತು ಹಲವು ರೂಪವದಕೆ ಮಾತು ಆಡಿದರೇ ಹೋಯ್ತು ಮುತ್ತು ಒಡೆದರೇ ಹೋಯ್ತು ಮೂಕಪ್ರೇಕ್ಷಕರಿಗೇನು ಬಿಡಿ ಕಿಲುಬುಕಾಸಿಗೂ ಇಲ್ಲವಿಲ್ಲಿ ಕುತ್ತು ಅಲ್ಲಿಗೀ ಸಮೀಕರಣ ಸರಿಯೇ ಬಿಡಿ ಮಾತು ಮುತ್ತಾದ ಮೇಲೆ ಮೌನ ಮುತ್ತುಗಳ ಬಿಗಿದಪ್ಪಿ ಬೆಲೆ ತಂದುಕೊಡುವ ಬಂಗಾರ!