ಪ್ರಸ್ತಾಪ

ಭಾವಬಿಂದುಗಳೊಡನೆ ಚುಕ್ಕಿಯಾಟ ನಾಲ್ಕು ಗೀಟುಗಳೊಂದಿಗೆ ಮನೆಯೊಂದರನಾವರಣ ಹೆಸರಿನಕ್ಷರದೊಡನೆ ನಾಮಕರಣ! ಸರದಿಯಂತೆ ಆಡಬೇಕಿಲ್ಲಿ ನಾನೊಮ್ಮೆ ನೀನೊಮ್ಮೆ, ಆದ್ಯತೆ ಆವಶ್ಯಕತೆಗಳಿಗನುಸಾರ ಹೇಗಾದರೂ ಸರಿಯೆ, ಎಷ್ಟಾದರೂ ಸರಿಯೆ ಗೀಟೆಳೆದು ಮನೆತುಂಬಿಸಿಕೊಂಡರಾಯ್ತು ಜೇಡ ಕಟ್ಟಿದ ಮೂಲೆಯಲ್ಲಿಷ್ಟು ನೆನಪಿಗೇ ಬಾರದ ಹೆಸರುಳ್ಳ ಮನೆಗಳು ಮತ್ತೆ ಅಲ್ಲಲ್ಲಿ ಅಷ್ಟಿಷ್ಟು ಗುರುತು ಪರಿಚಯದ ನೆಂಟರಿಷ್ಟರ ಕುರುಹುಗಳು ಕಡೇ ಸಾಲಿನ ಕೊನೆಯಲ್ಲೊಂದು, ಮೂರು ಗೀಟು ಬಿದ್ದ ಜಾಗವೊಂದಿದೆ ನಾಲ್ಕನೆಯದನ್ನು ನಿನ್ನ ಕೈಯಾರೆ ನೀನೇ ಎಳೆದು ನಿನ್ನ ಮನೆಯಾಗಿಸಿಕೊಳ್ಳೇ ಗೆಳತಿ...