ನನ್ನ ಮನಸ್ಸಿನ ಭಾವನೆಗಳಿಗೆ ಹಿಡಿದ ಕನ್ನಡಿಯಂತೆ ಈ ನನ್ನ ಕವನಗಳು...ನನ್ನ ಮನಸ್ಸಿನಲ್ಲುಂಟಾದ ತುಮುಲಗಳ ಗುಚ್ಚ ಈ ನನ್ನ ಕವನಗಳು...ನನ್ನ ಮನಸ್ಸಿನಲ್ಲೆದ್ದ ತರಂಗಾಂತರಂಗಗಳು ಈ ನನ್ನ ಕವನಗಳು...

ವಾಸ್ತವ

ನೆನಪುಗಳನ್ನೇ ಮೆಲುಕು ಹಾಕುತ್ತ
ಒಂದು ಕವನ ಲೆಕ್ಕಕಿರಲೆಂದು
ಗೀಚಿದ ಹಾಳೆಯನ್ನೇ ನಿನ್ನ ಕೈಗಿತ್ತೆ

ನೀನೋ, ಅದು ನಿನಗಾಗಿಯೇ ಬರೆದ,
ನಿನ್ನದೇ ಕವನವೆಂಬಂತೆ
ಎದೆಗೊತ್ತಿಕೊಂಡು ಕಣ್ಮುಚ್ಚಿ ಒಮ್ಮೆ
ನಿಟ್ಟುಸಿರುಗೈದೆ!

ಆ ನಿನ್ನ ಬಿಸಿಯುಸಿರು ನನಗೂ ತಟ್ಟಿ,
ಕಣ್ಣಂಚಿನಲ್ಲಿ ಕಾದು ಕುಳಿತ ಕಂಬನಿಯು
ನಿನ್ನಾ ಕೆನ್ನೆಯ ಸವರಿ,ಗಲ್ಲದ ತುದಿಗೆ ಬರುವಷ್ಟರಲ್ಲಿ
ಸಪ್ತಸಾಗರದಾಚೆಗಿನ ಹೊಸ ಬದುಕಿನೆಡೆಗೆ
ನನ್ನ ಪಯಣ ಶುರುವಾಗಿತ್ತು!

ಲೇಬಲ್‌ಗಳು: ವಾಸ್ತವ